Question 1

شو هي دلعونا؟

Accepted Answer

دلعونا شبكة اجتماعية سورية مستقلة: مجتمع ومحادثات مشفّرة وفيديو، وحولها تطبيقات يومية مثل دكّان للتسوّق، وعقار، وعملة، وخبر، وطقس، وخريطة، ومواقيت الصلاة — بحساب عربي واحد.

Question 2

دلعونا تطبيق حكومي؟

Accepted Answer

لا. دلعونا منصّة مستقلّة تماماً، ومو تابعة لأي جهة حكوميّة ولا لحدا.

Question 3

دلعونا مجّانية؟

Accepted Answer

بتنزّل دلعونا وبتستعمل ميزاتها الأساسيّة مجّاناً. وإذا فتحت دكّان أو مكتب عقاري، دلعونا بتعرّفك على الزبون وبس — البيع بينك وبينه، وما منتدخّل فيه. وأي خدمة مدفوعة زيادة، بيطلع سعرها وشروطها بوضوح قبل ما تختارها.

Question 4

لازمني حساب حتى استعمل دلعونا؟

Accepted Answer

نعم، لازمك حساب دلعونا مجّاني حتى تفوت، لأن المحادثات والمجتمع والسوق كلها قايمة على هويّتك. فيك تفتحه ببريدك الإلكتروني، أو باسم مستخدم وكلمة سر، أو بحساب Google أو Apple أو Facebook — وما بتحتاج رقم موبايل. وبعدها نفس الحساب بيفتحلك كل خدمات المنصّة.

Question 5

محادثاتي داخل دلعونا محميّة؟

Accepted Answer

نعم، رسائلك المباشرة بين الأشخاص مشفّرة من طرف لطرف، ومفاتيح التشفير على جهازك لحاله — بتضل بينك وبين اللي عم تراسله، وبس.

Question 6

كيف بتحمي دلعونا خصوصيّتي؟

Accepted Answer

ما منعرض إعلانات سلوكيّة تلاحقك، وما منبيع بياناتك لحدا. واللي إلك بيضل بإيدك — بتشوفه وبتنزّله نسخة وبتحذفه وقت ما بدك، من التطبيق أو من الموقع.

Question 7

كيف بنزّل تطبيق دلعونا؟

Accepted Answer

من قسم التنزيل تحت. كل قناة مفتوحة — تنزيل مباشر لأندرويد أو من المتاجر — بتلاقيها هونيك، واللي لسّا ما انفتحت مكتوب عليها «قريباً».

Question 8

لمين دلعونا؟ وبتنفعني وأنا برّا سوريا؟

Accepted Answer

دلعونا لكل السوريّين، داخل سوريا وبالمهجر، وبواجهة عربيّة كاملة. وين ما كنت، بتضل أسعارك وأخبارك وسوقك ومحادثاتك بإيدك.

سوريا كلّهاعلى دلعونا.

شبكة اجتماعية كلّها سوريّة، وتحتها منصّة كاملة.

المجتمع. اللي رائج هون، رائج بسوريا.

محادثة. رسائلك بينك وبين اللي بتراسله، وبس.

فيديو. سوري، طويل وقصير.

اللي بتفتح موبايلك عليه كل يوم، معمول لسوريا، وبحساب واحد.

عندك دكّان أو مكتب عقاري؟ افتحه على دلعونا.

خصوصيّتك مو ميزة، هي أساس المنصّة.

أسئلة بتجي على البال، وأجوبتها.